Монографияда көшпелі қоғамдағы кеңістік пен уақытқа көзқарас, дәстүрлі мәдениеттің өркендеу мәселелері, халықтық наным-сенімдер мен тиымдар жүйесінің табиғатпен байланысы, отырықшы және көшпелі тұрғындардың этномәдени және конфессияаралық үдерістері, көшпелі өркениет жүйесіндегі қалалардың дамуы, тарихнамадағы түркі-соғдылық байланыс тәрізді концептуалды мәселелері көрініс тапқан. Зерттеуде көшпелілердің дәстүрлі мәдениетінің тарихы мұрағаттық құжаттар және этнографиялық далалық экспедиция мәліметтері бойынша негізделген, сондай-ақ онда мұрағаттық деректер негізінде большевиктердің жер саясаты мен көшпелілерді отырықшылыққа күштеп көшіру кезіндегі дәстүрлі шаруашылықтың күйреу мәселелері қамтылған. Монография осы мәселеге қызығушылық танытқан ғылыми қауым мен көпшілік оқырманға арналған.